Blog Vrbanj

Dida... /Meri Belić/

Spominjen se,

Svaku nediju u Varbonj

kod tebe doč

ni bilo večeg gušta

nego na balote poč

gledat čikov je punat po

i ko se pokoro.

Na korte si nas uvik vara

sad znon

stalno si nan molovo.

Od dovna te ni,

Ni "zogo - falo"

Ni balot

Ni "trišete"

Ni "bufeta"

Ni nonine marende,

sira iz uja

ni suhvih iz šufita

ni vodnega prošeka

Ničesar več dida ni ....

Ostala je somo

" ravnica " da me siti

Na Nediju ditinjstva mog.

Još te vidin Dida,

Visok ka jablon

Uvik vesel

Uvik se taroko

"Gargur"

Dida moj.

-----------------------------------------------

Napisala: Meri Belić /rođena Sarjanović/