Blog Vrbanj

Željezničarski areloj mojega dida Perkota. Kupi ga je 1961 u jednega željezničara kad je ti iša u penziju a sa njin je odlavuro veli dil radnega vika na željeznici. Ne znan kad je proizveden. Ni bi baš točan, uvik je malo priši i nosi ga je did kod urorih ma bez koristi ali služi je i taki. I onda je ujedonput fremo i baž 30g se ni moga pokrenut. Puno nakon ča je did umar san ga jedonput malo protresa a kako je bi navijen čujen jo poče je kucat i prolavuro iz čista mira (kako virujen u nadnaravne pojave i život posli smarti znon da ni iz čista mira nego ga je niko silom energije misli pokrenu da ga čujen baren priko areloja) i od tad ga digod navijen da otkuca svoju pismu za uspomenu na dida Perkota.