Blog Vrbanj

Contact email: [email protected]

Blog Vrbanj

PLOTIT CE ZIGA

Posted on December 9, 2018 at 4:15 PM

PLOTIT ĆE ŽIGA !

U doba nojveće popularnosti toncih na taraci Heliosa ploćo se je upad jer je taraca bila pripuna i vajalo je nikako ograničit posjetu a bome čogod i ćapat od ulaznicih. Varbanjani su uglavnom dohodili skupa, stali bi u red i o

nemu na ulazu bi govorili.....plotit će Žiga za svih. E a Ivica Žigin Žiga bi intro zodnji a bi je ka mlod gromada od čovika, velik i jok i kad bi ga ovi kojigod sezonac na upadu somo vidi ni promisli pitat ni njemu kortu a kamoli mu reć da ploti za one ča su pri intrali. I tako bi Varbanjani introvali mukte. Ma ni to bilo uvik nego somo digod za tarok a kako su oni bili veliki potrošači jer bi sastavili dvo, tri stola i nisu hodlili ća dok ih svih nebidu populali proznin butilijima od 2l vina Barba Marin i Šjor Bepo ti škerci sa upadon su in se tolerirali ali je u Varbanju ostala uzrečica... PLOTIT ĆE ŽIGA....kad bi niko čogod osto dužan ili iša ća bez plotit :lol:

Ivica Žiga na slici od 29.04.2011

Na slici iz 2006 su Ivan Pavičić (Ivon Fronin), Šime Matković (Šimun Drojčin), Ivica Pavičić (Ivica Žigin Žiga), Andro Pavičić Donkić (Andro Donkićev meštar) i Jakša Lupi (Jakša Štrambo). Ova fotografija je dodana na blog 12.06.2020 i neka bude i kao sjećanje na barba Ivana Froninega i Andro meštra a ostala trojica su još u dobrom zdravlju. Mada su Ivicu već pomalo stisle godine još dođe na zog od balota i ponekad i zaigra.

Ivica Žiga -26.06.2020


Categories: None