Blog Vrbanj

Provjali su mi Zaraćani, a sad jel to bilo u Zaraće ili koje drugo misto e to ne bin zno. U ono storo doba kuće potlehušice su imale somo jednu kamaru di je bila koćeta za oca i mater a dica su spoli po podu. U toj kamari je obično bila i ponara sa vrotima u zidu di se je čuvala vridnija spiza da se je ne vidi u kuhinji kod komina. E jedon Zaraćanin je u toj ponari doržo i pečicu sira ali maška ko maška navonjala ga je i kad su vrota ostala bokun otvorena uvukla se je u ponaru. I bome, kako to dojde, čoviku je po noći došla potriba da skužote za se popišat i po običaju kako to muški i danas po selima činidu izoša je kroz vrota isprid kuće. Ali kako je bi zamanton od sna fali je vrota i otvori vrota od ponare. Pita ga žena...ej, kakovo je vrime vonka? A dvi zvizde na nebu, arija vonjo siron   odgovori je on i torno se olakšon na koćetu. Maški u ponari koja je vonjala po siru bome sjale u škurici oči za koje je onako još ne razbudjen penso da su zvizde