Blog Vrbanj

Poslovice i uzrečice uobičajene u Varbanju

-AKO BURA U PETAK POČME DO NEDIJE NE ARIVO A AKO ARIVO ONDA I PODURO!

-AKO JE PRIŠA UMRIT NI ZAKOPAT!

-AKO NISU ZUBI NATUKLI NISU MROVI NAVUKLI!

-AKO SE JE REKA GRIH NI POTRIBA I GRIŠNIKA!

-AKO SE HOĆEŠ S NIKIN SVADIT, POZOJMI MU ŠOLDE!

-AKO TE NIŠTA NA SLOMI VRIME ĆE TE SLOMIT!

-AKO VROGU PUNO PUTIH KUCAŠ NA VROTA JEDON PUT ĆE JIH I OTVORIT!

-BEZ ALOTA NI ZANOTA!

-BIDAN BOŽE, ZA KOGA SI KVASINU PI!

-BOG JE PARVO SEBI BRODU NAPRAVI!

-BOJ SE NOVE BURE I STOREGA JUGA!

-BOJE DA NESTANE MISTA NEGO OBIČAJA!

-BOJE DA TE GUJA UGRIZE NEGO DA TE MARAŠKO SUNCE UGRIJE!

-BOJE JE BILO ČO IZIST NEGO BILO ČO REĆ!

-BOJE JE KREPAT OD GLODA NEGO OD TRUDA I GLODA!

-BOJE JE REĆ "OVO ME" NEGO "DI SAN"!

-BOJE JE ZA NIŠTA SIDIT NEGO ZA NIŠTA LAVURAT!

-BOJE MANJE A SLAJE!

-ČA DID STEČE SIN UŽIVA A UNUK RASKUĆI!,

-ČA GOVNO VEĆE DIRAŠ VEĆE SMARDI!

-ČA JE LIPO I BOGU JE DROGO!

-ČA LUD ZAMORSI NI STO PAMETNIH NE ODMORSI!

-ČA MLODA GLOVA ĆAPO STORA NE PUŠĆA!

-ČA OČI NE VIDIDU SARCE NE PLAČE!

-ČA PJON GOVORI TO TRIZAN MISLI!

-ČA PULENAT NOJDE TO I OSTAVI!

-ČA SE U PETAK SNIJE DO NEDIJE SE IZVORŠI!

-ČIN ZALAMPO VAJO DA I ZAGARMI!

-ČISTA SRIDA KAD OSVANE, PIPA ŽEPE POK SE KAJE!

-ČOVIKA SOMEGA NI NI ZA STOLON LIPO VIDIT!

-ČOVIK BEZ ŠOLDIH SLIKA SMARTI!

-ČOVIK FALIJE A NE TOVOR!

-ČOVIK SNUJE A BOG ODREĐUJE!

-ČOVIKA SE DARŽI ZA RIČ A TOVARA ZA REP!

-ČOVIKU NI KRIVO ZA MOLI DIL NEGO ZA KRIVI DIL!

-ČOVIKU SE REČE JEDON PUT A TOVARU DVO PUTA!

-ČUVAJ SE, ČUVAT ĆU TE-REKA JE BOG!

-ČUVAJ SE SUHEGA JUGA I MOKRE BURE!

-ĆAPALA KRAJICA ZA ŽMUL UČINI JOJ SE ŽUJ!

-DA JE STROH RUKE KAKO OČI NEBI SE NIKAD NIŠTA NAPRAVILO!

-DI TI PUNO OBEĆOJU MOLU BORŠU ODNES!

-DO BOŽIĆA NI ZIME NI GLODA, PO BOŽIĆU I ZIME I GLODA!

-DOBAR I ŠEMPIJA, DVO BRATA!

-DOĆE DON I DONIT ĆE SVITA!

-DOJ DITE MATERI !

-DOJ MI SRIĆU I VEŽ ME U VRIĆU!

-DUGA U ZORU DORŽ NIZ GORU!

-DVO AUGUSTA, SMOKVE OD GUŠTA!

-FRATOR PUN FROTRIH,NA NJEMU NI VROTIH NEGO NAVAR SOMO JEDON HUMOR !( zagonetka-šipak)

-GALEBI U GORU, FORTUNA U MORU!

-GOSPODARU, ŠTA ĆE MI PARE KAD ME SATARE!(govori je Gazetov vlah)

-GRUBO JE IZ KONJA SPAST NA TOVARA!

-I MOLA ŠPENTA PUNO VRIDI!

-I U MORČU SMARČE ZEBU!

-ILI GOVORI IL U ROG TRUBI SVE ISTO TI JE!

-IMAŠ VEĆE VICIJIH NEGO BARBASOVA MAZGA!

-JAZIK NIMA KOSTI; MA DO SLOMIT KOSTI!

-JAZIKON VIČ, RUKAMI NE TIČ!

-JEDNA SMART STO PROROKOV!

-JEDON MOLI POPUTIĆU POD ČARNJENEN KLOBUČIĆU , NITI PIŠI NITI KOKI NEGO VESELO DOMA DOTORČI ! /zagonetka-kokotić/.

-JEDON PUT SE S MATERON SPI!

-JEGER GUĆA, DVO KROŽETA, KAMIŽETA I JAKETA I JOŠ MI JE ZIMA !

-KAD BI ČOVIK ZNO DI ĆE VROT SLOMIT NEBI NIKAD IŠA TAMO!

-KAD BIDU TOVARI ZAPOVIDALI NEBI SE NIKAD JEMATVA IZAGNALA!

-KAD GOD FALIŠ, PAMETI SE UČIŠ!

-KAD JE BOŽIĆ U SVITLINI NI NIŠTA U ŽIVINI!

-KAD JE HLODNO SVAK POTEŽE SUKONCE NA SEBE!

-KAD MAŠKA SIDI, NA SVOJON GUZICI SIDI!

-KAD NEZNAŠ KUD ĆEŠ SVAKI ĆE TE PUT TAMO ODVEST!

-KAD NI MAŠKE MIŠI SKOČU!

-KAD OVCA BLEJI ZALOGAJ GUBI!

-KAD SAN MOGA NISON MOGA, SAD KAD MOGU SAD NE MOGU!

-KAD SE VLAŠE POGOSPODI NEZNA VEĆ DI SE JE RODI!

-KAD SE KUĆA UGRODI, POSERE SE MEŠTRA!

-KAD SI U TONCU VAJO TONCAT KAKO MUŽIKA SVIRI ILI IZOĆ IZ TONCA!

-KAD VELI GOVORIDU MOLI MUČIDU!

-KAKO ZAMISIŠ TAKO ĆE I USKISNUT!

-KANDALORA U SVITLINI(pun mjesec), SNIG NA PLANINI!

-KANDALORA(02.02) ZIMA FORA A KOSIĆI PRIKO MORA - REKA SVETI BLOŽ(03.02) DA JE TO LOŽ,REKLA SVETA JUSTINA DA JE TO ISTINA - REKA SVETI BENEDIKT  DA SE NE ZNA ČA ĆE BIT!

-KASNO JE POPODNE NA MISU!

-KO ĆE PRI, DA ĆE POSLI!

-KO ĆE PUNO, DA ĆE MALO!

-KO IMA ZETA IMA I TOVARA!

-KO JE BLIŽE OLTORU BOJE ČUJE MISU !

-KOGA GUJA UGRIZE I GUŠĆERICE SE STRAŠI!

-KO GA IŠĆE, TI GA I NOJDE!

-KOGA NI BEZ NJEGA SE MORE!

-KOGA SARBI TI SE I ČEŠE!

-KOLIKO BIS VAZE TOKO BIS I DO!

-KOMU PROLONGE TEMU I ŽIVOTA!

-KO MUČI DVO UČI!

-KO NE OSTAVI POLITKA NE BILO MU GA DO DOLITA!

-KO NE PLOTI KURBU PLOTI LIKORA!

-KO NE VOLI BEŠTIJE NE VOLI NI JUDE!

-KO NIMA PAMETI IMA NOGE!

-KO NOSI NE PROSI!

-KO PITA NE SKITA!

-KO POLIJE(vinovu lozu) NE FALIJE!

-KO PRIŠI VROT LOMI!

-KO PUNO ŠTROLIGO PO PORTU NAVIGO!

-KO S ČIN PATI TEŠKO MU GA DO SMARTI!

-KO SA PASIMA LIGA SA BUHIMA SE USTAJE!

-KO SE DIMA NE NADIMI TI SE OGNJA NE OGRIJE!

-KO SE SA DICON IGRA POPIŠON OSTANE!

-KO SE TUŽI TI SE RUŽI!

-KO SE U ZLO UPARTI TEŠKO MU GA DO SMARTI!

-KO SIDI NA DVI KATRIDE OBE MU SE IZMAKNEDU!

-KO SUNCU VROTA ZATVORA LIKORU JIH OTVORA!

-KO TARGUJE NE GLADUJE!

-KO TE NEZNA SKUPO BI TE PLOTI!

-KO TI JE SVOJ DAJE OD NJEGA STOJ!

-KO U MALO GLEDA MALO I VRIDI!

-KO UJA NEKA GONI!

-KO ŽENINO JI,VROGA JI!

-KVATRO APRILANTI, KVARANTA ĐORNI DURANTI! (KAKOVO JE VRIME NA 4 APRILA TAKO DURO 40 DON)

-LAJ POSE DI SI VEŽEN!

-LOZ OKAŽIJUN ČINI!

-LOZA HOĆE SVAKO JUTRO DA JOJ REČEŠ “DOBRO JUTRO”!

-LOZI SLUGA A MASLINI GOSPODOR!

-LUNA IMPJANTO, MARINERI KALIGATO!

-MASLINA JE KAKO MAT-KAD GOD JOJ DOJDEŠ UVIK TE SARČENO DOČEKA A LOZA KAKO ŽENA-AKO JE SVAKI DON NE VIDIŠ OKRENE TI VESELO ŠKINA!

-MAŠKA MIŠU A MIŠ REPU A REP NEĆU!

-MLODI JUDI SODE SODIDU, KUĆE GRODIDU I DICU HRONIDU!

-MOLO DITE MOLA BRIGA, VELO DITE VELA BRIGA!

-MORE MORE ČA DRUGI NE MORE!

-MOREŠ ČA HOĆEŠ, MA NE DOKLI HOĆEŠ!

-MUČATNEMU DITETU SE SISA NE DOJE!

-NA KRAJU SE MORTVI BROJIDU!

-NAJIJ SE SMOKAV, NAPIJ SE VODE I LEZ POD SMOKVU DA TE SPROVODE!

-NA PRIŠU SE SOMO DICA PRAVIDU!

-NE IŠĆI SRIĆU AKO TE SOMA NE NOJDE!

-NE LUD LUDA!

-NE MORE SE I BOGU I BOGATSTVU !

-NE PREĆ SE DI TI NI MISTO!

-NEKA BARKA JIDRI !

-NE LAJE PAS RADI GOSPODORA NEGO RADI SEBE!

-NENAUČNA KRAVA ORAT!

-NEPOZVAN SE NI U PIR NE GRE!

-NEVOJA KROZ VROTA, JUBOV KROZ PONISTRU!

-NE VRIDI SVAKEMU VITRU JIDRA OTVORAT!

-NI BOLEST SVE ČA BOLI!

-NI GRIH ČA GRE U JUSTA NEGO ČA IZOJDE IZ JUSTIH!

-NI KOMU JE NUĐENO NEGO KOMU JE SUĐENO!

-NI MI BRIGA ČA MI JE REKA NEGO KO MI JE REKA!

-NI MI BRIGA ČA MI LAŽEŠ NEGO ČA MISLIŠ DA TI VIRUJEN!

-NI OLTARIĆA BEZ KRIŽIĆA!

-NI PRIŠA UBILA MIŠA NEGO MAŠKA I PACJENTOZO ČEKANJE!

-NI SE RODI KO BI SVAKOMU UGODI!

-NI SRAMOTA PITAT. SRAMOTA JE NE DAT!

-NI SVAKO ZLO ZA ZLO!

-NI SVU GORU POTUĆ NI PROZNU DOMA DOĆ!

-NI U MORU MIRE, NI U JUDIMA VIRE!

-NI U MORU MIRE, NI U JUBAVI VIRE !

-NI U MORU MIRE, NI U ŽENI VIRE !

 

-NI VAŽNO ČA SE DOJE NEGO KAKO SE DOJE!

-NI VAŽNO ČA TI REČE NEGO KO TI REČE!

-NI VOJA MORU(Mariju) PLEST!

-NI VROG PAMETAN ZATO ČA JE PAMETAN NEGO ZATO ČA JE STOR!

-NI ZOČINA PRIKO NOČINA!

-NIKI GA JE BI ZA DEŠPET OSIKA POK JE NJEGA BOLILO!

-NIKO IŠA, NIKO DOMA DOŠA!

-NISU ZA TOVARA JABUKE!

-NOJD MEŠTRA, PLOT MEŠTRA!

-NOJD MEŠTRA, PLOT MEŠTRA,POLOT MEŠTRA!

-NOJSLAJE JE ZEJE IZ SVOJEGA VARTLA

-NOŠA SI CRIKVU DI SE BOGA MOLI!

-OBOJ OSTARIT A JOŠ GORE NE OSTARIT!

-OD ZEJA IZ TVOJEGA VARTLA ZABOLI TE ŠTUMAK A OD ZEJA IZ TUJEGA VARTLA I ŠTUMAK I GLOVA!

-OSTAV KUĆU KAD GORI I POJ KOD ŽENE KAD RODI!

-OŽEN SINA IZGUBI SI SINA, ODOJ ĆER DOBI SI SINA!

-PALANGOR , ŽENA I KOZA-TRI NOJVEĆA VROGA! (govori je moj did Perko)

-PAMET JE LIPO BLOGO!

-PARVA ŠETEMONA APRILA , TIKVE OD BARILA!

-PETAK, SLAB POČETAK!

-PITAT ĆE TE STAROST DI TI JE BILA MLADOST!

­-PJONCE I LINCE I BOG ČUVA!

-PLOTIT ĆE MARAČ ZA VEJAČU!

-PO VAS MOŽ NE SVUKUJ PON!

-POL VEJAČE LOZA PLAČE, U POL MORČA PUPAK VONKA!

-POMOZ SOM SEBI POK ĆU TI I JO POMOĆ: REKA JE BOG!

-POSLUH JE SVETA STVOR!

-POŠJI RUGO NA POSOL I TARČ ZA NJIN!

-PRILIKA ČINI LUPEŽA!

-PRODOJ KAD TI NE TRIBUJE ŠOLD A NE KAD TI JUTO TRIBUJE!

-PROZNA VRIĆA NE MORE STOT IMPIJO!

-PUŠE BURA ČISTA ŽENA, POMETENA, RASPLETENA!

-RIBA SMARDI OD GLOVE A ČISTI SE OD REPA!

-SA JUDIMA PO JUSKI A SA TOVARIMA  PO TOVORSKU!

-S ČIN IMAN S TIN I KLIMAN !

-S KIN SI TAKOV SI!

-SLUŽBA SLUŽBA A DRUŽBA DRUŽBA!

-SIROMAHU JE I LITI ZIMA !

-SIROTINJO, I BOGU SI TEŠKA!

-SLATKA JUSTA-ŠPORKO SARCE!

-SPARENJO NA ŠPINU A TRATI NA TAPUN!

-STO BABIC, KILAVO DITE!

-STORO KARPI KONCE TRATI, STORO LJUBI DANKE GUBI!

-STROH KOSTI LOMI!

-SUHO LITO, MOKRE BAČVE!

-SVAKA SILA ZA VRIMENA, A NEVOJA REDON DERE!

-SVAK NOSI SVOJ KRIŽ SOMO JE NIKOMU KRUTO VELIK!

-SVAK ZNO SVOJU A BOG SVAČIHOVU!

-SVAKA NOVA METLA DOBRO METE!

-SVAKA SPARTA NOJDE PROVISLO!

-SVAKI INDUŽ JE PERIKULOZ!

-SVEGA ĆE BIT SOMO NOS NEĆE BIT!

-SVETA KOTA KAČIBON, DO BOŽIĆA MISEC DON!

-SVETA KOTA KOTIN DON, DO BOŽIĆA MISEC DON!

-SVETA KOTA(25.11) , SNIG NA VROTA !

-SVETI FABIJON(20.01), POL URE KREŠI DON!

-SVETI KUZMA I DAMJON (26.09), GROŽJE U BADONJ!

-SVI SE GUŠTI PLOĆADU!

-SVO ZLO S TIN IŠLO!

-ŠTUK I PITURA, KE BELA FIGURA!

-TARMUNTONA, BURA PARIĆONA!

-TARMUNTONA ŠKURA, OTO ĐORNI DURA!

-TEŠKO MENI PO MOJEMU RODU KAD JO NIMAN U SVOJEMU DOMU!

-TOVARA SE I U PIR ZOVE DA VODU NOSI!

-TRUD I MUKA ZA GLAVICU LUKA!

-TUJA BRIGA TOVARA UMORILA!

-UČIN ČOVIKU DOK JE ŽIV, A POSLI SMARTI NJEMU JE SVE ISTO DA MU I SPOMENIK OD ZLOTA UČINIŠ!

-UČIN DOBRO, IZIJ GOVNO!

-U JEMATVU I GORI TOVOR SLUŽI!

-U MOLOJ BOCI ŠPIRIT STOJI!

-U POSTOLORA SU UVIK NOJGORI POSTOLI!

-UMARLI SU DAVALOTOVI A OSTALI SU PITALOTOVI!

-VAZMI DORE KAD TI NUDE A NE KOJ SE KAD NE BUDE!

-VEĆE VAJO PRATIKA NEGO GRAMATIKA!

-VEĆE VAJO JEDON PUT NAKOPAT NEGO TRI PUTA ZALIT!

-VEĆE VRIDI JEDON DEŠPET NEGO STO FJORINIH!

-VEĆE ZNODU TOVOR I ČOVIK NEGO SOMO ČOVIK!

-VEČERAS FEŠTA, UJUTRO BOLI TEŠTA!

-VELIKA PAMET UBILA SIROMAHA!

-VELIKA RIBA JI MOLU!

-VODA NI DOBRO NI MIHU UČINILA!

-VODOKARŠĆA DON ČESTITI, KO ČA IMA DA OČISTI!

-VROG NE SPI !

-VROG ODNI PRIŠU!

-VROG SERE NA VELI STOG!

-ZA KUMPANjIJU SE JE I FROTAR OŽENI!

-ZA NOPAK NI POTRIBA BOGA MOLIT !

-ZAKLELA SE ZEMLJA RAJU, DA SE PO NJOJ SVAKE ZNAJU!

-ZDRAVEMU ČOVIKU TRIBUJE SVE A BOLESNEMU SOMO ZDROVJE!

-ZLA NAUKA, DVOJA MUKA!

-ŽIVILA JE ONA KOJA JE PRELA I ONA KOJA NI PRELA!

-ŽIVILA JE ONA KOJA JE PRELA I ONA KOJA NI PRELA, SOMO SE JE ONA KOJA JE PRELA BILA UBOLA NA VRETENO!

-ŽUTI ŽUTUJU A ČARNJENI PUTUJU!