Blog Vrbanj

Dvije pjesmice mog dragog prijatelja iz Vrbanja Vidošević Antuna-Pitura i bubnjara

Puka čorčak

Vrućina, bor, kora,

Čarči čorčak bez umora.

Po svo lito kroz zvizdon,

Čarčeć šaje pismu non.

Posli mi je došla muka,

Ča je od pisme čorčak puka.

A sad osušen na svon boru,

Žuton bojon resi koru.

-----------------------------------------

Za ostat na škoju

Za ostat na škoju,

vajo ga znat volit.

Kroz don teško trudit,

noću Boga molit.

Za ostat na škoju,

vajo tarpit znat.

A kad ti je teško,

u pomoć Boga zvat.

Za ostat na škoju,

na njemu se vajo rodit.

Volit studen, sušu,

i po stinju hodit.

Za ostat na škoju,

vajo imat voju.

Zaboravit trude,

brige i nevoju.

Za ostat na škoju,

vajo dobro znat,

don ča nan osvane

trudnin će se zvat.